Muulde defte Fulfulde ngam janngin’de yonta hannde Ɗemngal ngal hoto ngal maayde, ko huunde nde Hooreejo (Sarkin) Fulɓe Lagos gaddii.
Lagos, Ngeria, Alhajji Muhammad Bammbaaɗo, hooreejo (Sarkin) Fulɓe diiwal Lagos, kadi gardiiɗo Fedde Hooreeɓe Fulɓe Hiirnaange-worgo Nigeria, ardiima uddital wejo defte Pulaar/Fulfulde ñalnde 15 Dewo, Jolal 2020 to wuro Lagos. O feeñinii kulhuli makko he wonnde ɗemngal Pulaar/Fulfulde woni ko e maayrude seeɗa-seeɗa, kono o fodii wonnde ma o daro he no ngal wuurdi.
Kanko laamiɗo Fulɓe Lagos, Muhammad Bammbaaɗo, o siftinii wonnde, he nder Aduna hee, ma won ujunaaje jeegom (6000) ɗemngal ene haale heen, kono keewɗe e majje ngoni ko he maayde e majjude. Yoga e ɗemɗe hannde, kulanaaɗe momtaade ɗee tawetee tan ko he wuro wooto walla nii tawa ko neɗɗo gooto tan heddorii waawde haalde ɗum en. Ɗemngal noon so maayii pinal e daartol joom mum en majjat, sabu ko ɗemngal reeni pinal. Fulɓe noon ko leñol jaajngol, caringol he diiwaan Saahal o kala, tuggude he hiirnaange fay hakkundeere Afrik haa memoyi Maayo-Woɗɗeewo, Fulɓe ene tawee heen. Hayso limoode maɓɓe anndaaka no foti. Kono so yontaaji hannde ɗii kaalaani ɗemngal ngal kadi ndontini ɗum yontaaji garooji maayde ɗemngal ngal jommbaani. Ko ɗuum addani mo pellital muulde defte Pulaar/Fulfulde he kala tolno, ngam mbele sukaaɓe ɓee ene kirjinee he janngude e waawde taraade he maggal . O wiy: “Duɗe janngirɗe ɗee, gaagaa ko ɗe goni lewlewal jeynantoongal ɓiyɓe leñol ngol coñce mum en e kelmeendi ɗemngal mum en, ma ɗe ngon kadi jooɓngol ngon ene yeynoo laawbi fayde he janngo maɓɓe.”
Binndi Pulaar 
Musiɗɓe miin Abdullaay jahwo:
Mi salminii on buy wonaa seeɗa.
Miin de si wonaa weltanaade on sabu ndee darnde nde darani on
Fulɓe to ɓaŋŋe janngude ɗemɗe mum en. Awa mi jahrii on buy yah no jannde ndee yahru yehso. Miin de komi jaŋnginooɗo pulaar tigi noon, mino ɗoo ɗo Espaaña.
LikeLike
Ceerno Abdullaay Jahwo, min mbeltani mi on kadi min njaari on he janngin’de ɗemngal. Yoo Allah won ballo men o rokka wune he golle ɗe. A jaaraama fota.
LikeLike
Ok YES to
LikeLike
Miin miijo am e ɗuum, oo gorko pullo, haandi ko e semmbineede laamu makko ŋirlaa kala to pullo walla jiɗɗo fulɓe woni, mi ɓeyda heen yo Allah juutnan—en nguurndam makko.
Hammadi Jah jooɗiiɗo ɗoo r Bruxelles.
LikeLike
Min mbiyaniimo aamiin he duwaaw o, kadi miɗo tawtumaa he miijo maa wonnde yoo Allah juutnu laamu makko semmbina ɗum kanko kala pullo jiɗɗo hoore mum fasnii ɗemngal pulaar.
LikeLike
Min ko mi pullo Fuuta Jaloo ( Gine Konaakiri). Mi weltanike on fota wonaa seeɗa.
winnden janngen pular/fulfulde.
LikeLike
Machallah yo alla yetinn faa ndaare
LikeLike
Miyidi fulbe e fulfulde Allah wallu en
LikeLike
Holno mbaɗanmi haa mi heɓa defte pulaar
LikeLike
Kala jiɗɗo deftere pulaar ina waawi jokkondirde e ndeeɗo tonngoode 00221 77 554 29 73
LikeLiked by 1 person
Marche Thiaroye gare ina waɗi jeeyowo toon defte pulaar, o wiyetee ko samba kah
Tongoode mokko: 775155386
LikeLike
https://www.facebook.com/sidiabdoul.barry Mauritanie 22244665907 Siidi Bari
LikeLike
Mi weltiima e golle ɗee no feewi,
Kono miɗa wiya jannginooɓe ɗemngal pulaar ,poti ko walleede,ko ɓe tampuɓe no feewi haa wonaa seeɗa,ko e maɓɓe njeyaami ,miɗa waɗda heen ,wonaa waawde ko jinngere ,e yiɗde yoo ngaal jannge sabu ganndal ne tawee e maggal, hannde ɓuri mettude jaŋnginnde ko fuutankooɓe haa teeŋti e nokku mbo njeyeɗaa
,e ɗum naamndi dental e waasde ndaarde ko kaari maa ko ɓiiy kaari ,yoo Allah won ballo,Aamin
Usmaan joob gorko mo bedeŋki,leydi (lesdi) muritani, jooɗiiɗo hannde e beresil
LikeLike