Category Archives: Pelle Pulaar

Kawtal Pelle Fulɓe noddii Pottital e jaayndeeji hannde to Ndakaaru.

Posted on by Leave a comment

Kawtal Pelle Fulɓe, fedde laawɗunde heɓtinaande he nder leydi Senegaal, kadi renndinnde pelle Fulɓe keewɗi waɗiino hannde pottital e jaayndeeji (point de press) ngam hollitde e laɓɓitinde yiyannde mum en he ko yowitii he toɓɓe keewɗe duketeeɗe he nder leydi Senegaal he ooɗoo saha. Ene jeyaa heen toɓɓere hol ko foti wonde dawrugol ɗemɗiyankeewol leydi ndii ngam ƴellitde ɗemɗe ngenndiije ɗee e rokkude ɗum en semmbe mo ene walla ɗum en he ƴellitaade e wontude ɗemɗe janngirɗe e gollirɗe, kono kadi alɗineede haa mbaawa tammbaade pine e gannde dowrowe. He ndeen toɓɓere, ene teskaa, hay seeɗa mo laamu nguu waɗata o, ɓuri wuuroraade tan ko to bannge Jolfe (ɗemngal Wolof) haysinno de to bannge kuule leydi ndii, ɗemɗe ngenndiije ɗee fof poti toon.

Jokku Taro

Lefol Ngay: Goodal fiilii Ceerno Bah e Hammee Lih leppi teddungal.

Posted on by Leave a comment

Ñalnde Hoore-biir, 11 Jolal 2023, Fedde Goodal, he gardagol Usmaan Makka Lih ene yuɓɓinatnoo to Santar Aamadu Maalik Gay, piilngal lefol maɓɓe teddungal ngal ɓe mbiyata “Lefol Ngay’, tawi ɓe piilatnoo ɗum ko Ceerno Aliw Bah, USE, e Hammee Aamadu Lih, 2STV.

jokku taro

Janngingol Pulaar-Fulfulde e daranaade Finaatawa Fulɓe he nder Burkina Faso, ko ɗuum Waalde sukaaɓe janngooɓe to Duɗal Jaaɓihaaɗtirde Joseph Kizerbo miili waɗude.

Posted on by 2 comments

Waalde (fedde) Sukaaɓe Daraniiɓe mawninde Finaatawaa he nder Burkina yuɓɓinii he nder lewru Silto (septembre) 2021, kampaañ ngam janngingol sukaaɓe pulaar/Fulfulde. Oon kampaañ duumiima fotde jonte ɗiɗi (jeeɗɗiiji ɗiɗi) kadi o yettinooma he nokkuuje keewɗe he nder leydi Burkina, gila e gure dowriije ɗe haa e ngalluuje ɗe. Fayndaare maɓɓe (ko ɓe muuyi e mum) ko janngin’de, sukaaɓe ɓe duuɓi  jeetati haa duuɓi sappo e joy, waawde winndude e taraade he ɗemngal mum en neeniwal fulfulde.

Jokku taro

Darnde Fedde “Goodal” he Hare ngam Ɓamtaare Ɗemɗe ngenndiije e Ƴellitgol Pinal Fulɓe.

Posted on by Leave a comment

He nder cappanɗe jawtuɗe ɗee (1960-2020) ene teskaa pelle keewɗe cosaama heen ngam daranaade ɓamtaare ɗemngal Pulaar/Fulfulde e ƴellitaare pinal Fulɓe. Woon heen ko pelle ngenndiije jogiiɗe peŋɗe e cate he nder keeri leyɗeele mum en, goɗɗe heen nii ko taƴti keeriije denndinɗe dowlaaji keewɗi walla terɗe jeyaaɗe he leyɗeele ceertuɗe; kono won heen ko goomuuji haralleeɓe jogiiɓe payndaale laaɓtuɗe e jiyanɗe he holno ɗeen payndaale njettortee.

jokku taro

Dental Fulɓe Winndere: Hol ko waɗi Fulɓe woɗɗondirɓe koɗanɗe ene kulondira?

Posted on by Leave a comment

Pelle fulɓe ene keewi kadi ene carii hono no Fulɓe carorii he nder aduna hee kala ni. Ɗee heen ko pelle jokkere enɗam goɗɗe heen kadi ko pelle pinal, waɗa sahaa kadi njiyaa fedde renndinnde payndaale ɗiɗi ɗee kala tawa ene golla he pinla kono kadi ene wadda heen jokkere enɗam. Geɗal jarngal teskaade kadi ko pelle Fulɓe cosaaɗe caggal jookdu Afrik ɗee, Fulɓe jeyaaɓe he leyɗee ceertuɗe ene keewi rentude heen, walla nii haysinno ko he nder jookdu Afrik tawa ko he leyɗeele (lesɗe) ɗe ngonaa ɗo Fulɓe njeyaa, ɗuum ene dañee heen.

jokku taro

Dillere pelle Ɓamtaare Pulaar

Posted on by 2 comments

He mooɓondiral mum ɓaɗnongal 1982, nde Fedde Ɓamtoore Pulaar Senegaal (Association pour la Renaissance du Pulaar -ARP – Senegal) felliti waɗtude jaŋde Pulaar toɓɓere ɓurnde himmude he kuccam fedde ndee, ko wonno caɗeele he oon tuma ko defte janngirɗe pulaar. Fedde ndee udditi duɗe janngirɗe he nder diiwaanuji Senegaal ɗi kala. Gila he saareeji mawɗi ɗii, haa he gure tokoose ɗe, ɗuɗe ngudditaa ene njanngina Pulaar. Yimɓe kala nootii

JOKKU TARO
« Older Entries