Category Archives: Pinal

Pulaagu he nder CANAL+, Mbelemma e Faayre

Posted on by Leave a comment

Caggal nde udditii he nder Canal +, ñalnde 29 Mbooy, e jammaaji mawnin’gol ngool udditgol to Nuwaasoot, Bamako e Konaakiri ñalnde 30 Mbooy, ayaawo PULAAGU mawninii kadi hannde Dewo-hoorebiir 4 Seeɗto, to Grand Theatre mo Ndakaaru, udditgol oon ayaawo keblanaaɗo ngam pinal Fulɓe e ɗemngal Pulaar. Ɗuum waɗaa ko he tawtoreede naalankooɓe Fulɓe heewɓe e magiyankooɓe he ɗemngal Pulaar, yantude e yontaaɓe, ngenndiyankooɓe e hatanteeɓe leñol Fulɓe.

Jokku Taro

Pulaagu: Ayaawo pinal Fulɓe nana ara he nder Canal +

Posted on by Leave a comment

Ko hannde 29 Seeɗto 2024, fuɗɗotoo jaltugol ayaawo keso Pulaar biyeteeɗo PULAAGU he nder CANAL+ (canal 67). Pulaagu, eno Jibi Ooldu Bah umminɗo fayndaare ndee o habriri ɗum ni, ko kanaal keertoriiɗo pinal Fulɓe e Saahalnaaɓe tawa ko he ɗemngal Pulaar. Sabu mako taweede he nder CANAL+, Firti ma o waaw jaggeede he ko ɓuri heewde he nder Afrik kadi he leyɗeele adunaaru keewɗe. Keereendi kanaal (ayaawo) ngal ko wonde maggal keertoraangal e ɗemngal Pulaar e pine mum.

Jokku Taro

Lefol Ngay: Goodal fiilii Ceerno Bah e Hammee Lih leppi teddungal.

Posted on by Leave a comment

Ñalnde Hoore-biir, 11 Jolal 2023, Fedde Goodal, he gardagol Usmaan Makka Lih ene yuɓɓinatnoo to Santar Aamadu Maalik Gay, piilngal lefol maɓɓe teddungal ngal ɓe mbiyata “Lefol Ngay’, tawi ɓe piilatnoo ɗum ko Ceerno Aliw Bah, USE, e Hammee Aamadu Lih, 2STV.

jokku taro

Aamadu Muusaa Bah, Big Weltaare, hoodere naɓoka Pulaar!

Posted on by One comment

Big weltaare ko innde fijiyanke naɓoka (acteur de cinéma) kadi magiyanke (artist comedien) ceedtanaaɗo mbaawka gila ine famɗi. Aamadu Muusaa Bah, ko ɗuum woni innde makko tigiri, haysinno omo nootoroo kadi he innde Mamma, jibinaa ko to leegal Madiina Gunaas he nder falnde geejawaay, diiwal Ndakaaru laamorgo leydi Senegaal.

Jokku Taro

FICASE 2023, hol no NƁK e Magoyankooɓe Fulɓe keblonirii ɗum?

Posted on by One comment

He keblungal mawninde duuɓi teemedere ko naɓakayanke Senegaalnaajo o, Usmaan Semmben jibinanoo, jaagorɗo toppitiiɗo Pinal e Ngaluuji daartolyankeeji, Pr Aliw Sow habrii maa Senegaal sos festuwaal keso ngam mawninde naɓayanke Senegaalnaajo lolluɗo o, Semmben Usmaan. Festival International du Cinéma et audiovisuel du Senegal (FICASE) ko innde ngoon yuɓɓo heso wonngo he maheede jogorngo tammbaade oon festuwaal tijjaaɗo ene jogori waɗde tuggude 3 haa 9 Korse (Juin) 2023 to Dakaar, Gore, St. Louis e Saly.

jokku taro

Ñalɗi Pinal e Ɓamtaare Ciloñ Nguurtinii Fuutankaagal

Posted on by 3 comments

Hannde ma timmu to Ciloñ Salndu Fuuta ñalawmaaji pinal puɗɗiiiɗi gila ñalnde aljumaa 23 Bowte kadi ene jokki haa hannde Alet walla mbiyen Dewo-Hoorebiir 25 Bowte 2022. He nder ɗee balɗe tati jibnannde Fuuta fof arii tawtii Ciloñnaaɓe ngam mawninde pinal Fulɓe e Fuutankaagal. Ko ngol woni koolol sappo e ɗiɗi gila ñalɗii ɗii puɗɗa waɗeede he 1998. Teddiniraa ngol ɗoo koolol ko Maitre Maalik Sal, dawriyanke gonnooɗo jaagorgal Senegaal kalfinaaɗo ñaawooje.

Jokku Taro
« Older Entries