Afrik | Binndi Pulaar

Category Archives: Afrik

Ñalawma Deftere Pulaar: Pr. Abubakri M. Lam Yeenaama Kuɗol Kaŋŋe!

Posted on December 28, 2019 by Njaay Demmba Astel One comment

Ñalawma Deftere Pulaar ko Joljole ɗe Lewlewal Group Communication yuɓɓinta ngam ruttude teddungal fayde he wiɗtiyankooɓe e winndiyankooɓe Pulaar. Ko hikka woni laawol ɗiɗiɓol ko ɓe njuɓɓini oon ɗoon ñalawma. Waɗaa ko ñalnde 21/12/2019 to wuro ene wiyee Siñcu Daŋɗe he nder Falnde Podoor, diiwal St.Louis Senegaal. Ñalawma oo teddiniraa ɗum ko ganndo Afriknaajo ŋana; pullo paarnortooɗo Pulaar, yiɗi ɗum kadi gollanii ɗum ko ɓooyde majjinta,oon woni porofesoor Abubakri Muusa Lam.

jokku taro

Dillere pelle Ɓamtaare Pulaar

Posted on December 13, 2019 by Njaay Demmba Astel 2 comments

He mooɓondiral mum ɓaɗnongal 1982, nde Fedde Ɓamtoore Pulaar Senegaal (Association pour la Renaissance du Pulaar -ARP – Senegal) felliti waɗtude jaŋde Pulaar toɓɓere ɓurnde himmude he kuccam fedde ndee, ko wonno caɗeele he oon tuma ko defte janngirɗe pulaar. Fedde ndee udditi duɗe janngirɗe he nder diiwaanuji Senegaal ɗi kala. Gila he saareeji mawɗi ɗii, haa he gure tokoose ɗe, ɗuɗe ngudditaa ene njanngina Pulaar. Yimɓe kala nootii

JOKKU TARO

Waɗde Pulaar/Fulfulde Ɗemngal Afrik Winndereyeewal

Posted on September 15, 2019 by Njaay Demmba Astel 12 comments

Renndo waawaa mahaade tawa alaa ɗemngal ari-ndendiyeewal, ngal jooma mum en kala ene nanondira heen. Afrik noon ene anndiraa won’de nokku keewɗo ɗemɗe. Hayso tawii he nder Afrik alaa neɗɗo fof mo waawa haalde haysinno ko ɗemɗe ɗiɗi ne, keeweendi ɗemɗe ɗee waasataa tawa ko ɗum paddal wonno fayde mahgol renndooji jaajɗi he nder jookdu he (haysinno eɗen nganndi nii Afrik waɗiino laamuuji jaajɗi).

Jokku taro

Daartol Senegaal Kuuɓnungol, tummbitte joy gadane ɗee Njaltii.

Posted on September 13, 2019 by Njaay Demmba Astel Leave a comment

Winnditaade daartol Senegaal ngam rimɗitin’de hakkillaaji ɓiyɓe leydi ndii, ko ɗuum woni fayndaare goomu daartiyankeeɓe wittooɓe umminɓe eɓɓaande ngam winnditaade daartol Senegaal kuuɓnungol ngol ene tijja maa won noogaas e joy(25) tummbitere .

Jokku Taro

Almaañ: Aminata Toure, suɓaama Cukko Hooreejo Suudu Batirdu

Posted on September 2, 2019 by Njaay Demmba Astel Leave a comment

Amina Toure ko suka dewbo Afrikaanjo-Almaañnaaj, ko noon o innitortoo sabu ko Almaañ o jibinaa, ko toon ne o jeya, kono jibnaaɓe makko ko ɗanniyankeeɓe ko Mali ummii ɗanni toon to Almaañ. Ñalnde 28 Juko/Aout o naatii he daartol Almaañ. Sabu he ndeen ñalnde o suɓaama Cukko Hooreejo Suudu Batirdu e gootal e diiwe Almaañ (walla mbiyen Dowla) biyeteengal Schleswig-Holstein. He nder ɗiin suɓngooji ko kanko dañi toɓɓi 46 he nder daaɗe 69. Ko kanko woni Afriknaajo-Almaañnaajo gadiiɗo jooɗaade he ndeen ɗoon jappeere.

Jokku Taro

Diwaal Zamfara Nigeria: Maa Fulfude waɗtu janngeede he nder Ɗuɗe laamu he.

Posted on September 2, 2019 by Njaay Demmba Astel Leave a comment

Ɗuum ko fodoore nde Bello Matawalla, Guwerneer Zamfara, gooto e dowlaaji Nigeria, fodani Fulɓe tuma nde o heɓi eɓɓaande “Siiñcangol Aynaaɓe”, walla ko ɓe noddirta he ɗemngal Engele “Ruga Settlements” he juuɗe kalfinanooɗo ndeen eɓɓaande o.