Featured | Binndi Pulaar

Tag Archives: Featured

Ɓeydugol pesooɗe he binndol Pulaar, yiyannde Porof. Abuubakri Muusa Lam.

Posted on March 29, 2020 by Njaay Demmba Astel 8 comments

Caggal nde deftere Porofesoor Abuubakri Muusa Lam, Fulɓe Gila Heli e Yooyo Haa Fuuta Tooro, yalti, en mbaɗiino winndannde he lowre men http://www.pulaaronline.com, nde tiitoonde mum wonnoo ko: Hol ko addi Pesooɗe he Binndol Pulaar? Hono no yimɓe heewɓe, he ngaan saanga, en kucciniino feloore he kuwtorogol pesooɗe he binndi makko he dow luutndare ko nanondiraa he kuule mbinndiin Pulaar. Sikke alaa he oon tuma en naniino omo jaaboo kala felatnooɓe mo he binndanɗe he ɗemngal Farayse nder Jamaa-Tabital Pulaaku.

jokku taro

Ko addi Pesooɗe he binndol Pulaar?

Posted on March 29, 2020 by Njaay Demmba Astel Leave a comment

Fulɓe Gila Heli e Yooyo Haa Fuuta Tooro, ko tiitoonde deftere Porofosoor Abubakri Muusa Lam mo Duɗal Jaaɓihaaɗtirde Seek Anta Joop Dakaar, wallifii yaltunde ko ɓooyaani. Ko kayre woni deftere makko tataɓere winndaande e ɗemngal Pulaar.Eɗen nganndi o mo wallifii defte keewɗe e ɗemngal Farayse tawa kadi koko yowitii e daartol Fulɓe e iwdi mum en.

jokku taro

Janngude Pulaar Walla Janngirde Pulaar? Yumre adannde…

Posted on March 28, 2020 by Njaay Demmba Astel 3 comments

Ummaade e sappannde 70 ɓere, haa e sappande 90 ɓere , nde mawɓe men (ngaan saanga sagataaɓe lenyol ngol) puɗɗii eeraango mum en fayde e ɓamtaare pulaar walla no ɓe noddiratnoo ɗum ni, jaŋde pulaar, ɓe ndanyii heen caɗeele mawɗe waawnoode famminde noddetenooɓe ɓee, ko ɓe noddatnoo ɗum en e mum koo. Nde tawnoo noddaandu nduu wonnoo, e ngaan saanga, ko “ngaree njanngen pulaar” wonaa “ngaree njanngen he pulaar”. Ko aldaa e bettere, jaabowol ko gootol:

Jokku taro

Pulaar, Ɗemngal gootal Jooma Mbinndinaaji tati: Ajami, Abajada e ADLaM.

Posted on March 8, 2020 by Njaay Demmba Astel 3 comments

Mbele Fulɓe meeɗii huwtoraade binndol gila nde ɓe koɗi Misra, so tabitii kay wonnde ko toon ɓe ngadii jeyeede, hono no woon e daartiyankooɓe njogitorii ɗum ni? Ɗuum jaabowol mum suwaa yiyteede tawo he ko tabiti, hayso alaa ko haɗata ɗuum waawde aaɓnaade. Kono ko laaɓi kam, fawaade he batteeji tabitɗi, ko wonnde ko Pulaar fuɗɗii winndeede fayde jooni ɓurii duuɓi teemedde ɗiɗi.

jokku taro

Nde naange woni deweteeɗo: Diine Fulɓe Gaadanteejo e hol ko woni Harameeji jeeɗiɗi he biyɗe Yero Dooro Jallo

Posted on March 7, 2020 by Njaay Demmba Astel Leave a comment

Diine ina jeyaa e pine pulaagu ɓooyɗe gila Fulɓe peeñi to dunuyaa faade hannde, ɓe meeɗaani seertude e diine. Ɓe ngadii anndireede ko rewooɓe diine naange, oon ko e diineeji ɓooyɗi jeyaa. Peeñgol makko, ina hoddiree 8000 kitaale ko adii jibineede Isaa.

Jokku taro

Saggitorde Fransi/Pular: Konguɗi e Sagaraaji Hiisa e Tasakuyee (Lexique francais/Pular des mathématiques et des sciences de la vie)

Posted on February 29, 2020 by Njaay Demmba Astel Leave a comment

Gila nde dillere guurtingol ɗemngal Pulaar/Fulfulde e winndude kam e ƴellitde kala fannu ganndal he nder maggal, fuɗɗii e kitaale jawtuɗe ɗee, subaka kala mo Allah addi aɗa yiya walla nanaa deftere walla wallifo heso yaltungo he ɗemngal Pular. Saggitorde Fransi/Pular: Konguɗi e Sagaraaji Hiisa e Tasakuyee (Lexique francais/Pular des mathématiques et des sciences de la vie) ko deftere nde Galle muulngo l’Harmattan yaltini gila 2018, nde lemminooɓe defte pulaar ɓeyditortoo he defterɗi mum en, teeŋti noon e ɓeen yiɗɓe gannde Hiisiwe ( mathématiques).