Diine | Binndi Pulaar

Category Archives: Diine

Hol ko waɗi Iraan ene ƴama leyɗeele Afrik? Rogere 2

Posted on July 4, 2025 by Njaay Demmba Astel Leave a comment

He rogere adannde ndee en kaaliino jey sabaabu waɗde en ndee winndannde ko joɗnde waɗnoode ñalnde Hooreebiir 26 Seeɗto (Abril) joɗnde mawnde jooɗinoonde to gooto he Hotelaaji Ndakaaru (Sea Plaza) ngam yuɓɓinde yeewtere he ko yowitii he diine e renndo. Tiitoonde yeewtere ndee ene waawi firdeede: « Njuɓɓudi renndo tuugnaade he Qur’aan, yiyannde Alhajji Sayku Umar Al-Fuutiyyu Tall e Imam Seyyed Ruuhullah Khomyni. Yuɓɓini yeewtere ndee ko Fedde annduɓe (seernaɓe Islaam) Senegalnaaɓe walla no nde ɓuri lollirde la Ligue Islamique des Oulémas du Sénégal/ رابطة علماء المسلمين في السنغال nde ardii ɗum Ceerno Madaani Muntaga Taal e yuɓɓo Irannaaɓe hono duɗal jaaɓi haaɗtirde winndereyeewal Al-Mustafaa.

Jokku Taro

Hol ko waɗi Iraan ene Ƴama leyɗeele Afrik? Rogere1.

Posted on May 5, 2025 by Njaay Demmba Astel 3 comments

Iran nana raaŋani duunde Afrik ene yooɓii njogitaari mum semmbe ɗaatɗo “soft power” (hono no laamuuji tuubakooɓe ɓee noddirta ɗum ni), teeŋti noon he kuutorɗe maɓɓe diine e nehdi (jaŋde) ɗe ene coomii he duɗal jaaɓi haaɗtirde Al-Mustafa, cosaangal nde ɓe ndentini duɗe maɓɓe ɗiɗi diineyankooje puɗɗingal golle mum lawakeeje he 2008. Duɗal ngal ene tuugnoo he kuutorɗe mum keewɗe ngam waawde yettaade payndaale mum rewrude he sentaruuji maɓɓe keewɗi. Duɗe walla juɓɓule jowitiiɗe he maggal, jaayndeeji (magasin) ɗi ngal walliftoo, kam he progaraamuuji jaŋde ɗi ngal lelnata.

Jokku taro

Juulade Taaske walla juulde layya: Hol ko woni Iwdi mum

Posted on July 31, 2020 by Njaay Demmba Astel 3 comments

He nder Aduna Allah oo kala hannde, juulɓe ene mawnina ñalawma juulde Taaske¹ walla mbiyen Juulde Layya. Juulɓe ene mawnina ñalawmaaji keewɗi, ko wayno Juulde Koorka, Haaraan, walla won he nokkuuji Mawluuda, (jamma jibineede Nelaaɗo Allah) kono ko Taaske woni juulde ɓurnde mawnude he nder juulɗeele Islaam. Juulde Taaske ene hawrita e hijjoore to Makka, wooturo he jookli Islaam.

jokku taro

Firo Al-Qur’aan he Ɗemngal Pulaar, Muulngo Numérique/digital

Posted on July 9, 2020 by Njaay Demmba Astel 2 comments

Firoojo deftere Allah, Al-Qur’aanaare teddunde nde, puɗɗiima heewde he ɗemngal Pulaar. Gila he kaamiilu kiɓɓuɗo o haa e taƴanɗe ko wayno taƴannde “Amma”. Ƴellitagol karallaagal kesal e mbaydiiji kesi caaktirgol kabaruuji haa ɓuri teeŋtude to bannge numérique/digital, ɓeydii ma weeɓnude Cargol ganndal. Ko ɗuum addanii suka Guinee-naajo (Gine), Alfaa Amadu Ɓuriya Jallo, suɓaade muulde firo mum Qur’aana he karallaagal numérique/digital.

jokku taro

Nde naange woni deweteeɗo: Diine Fulɓe Gaadanteejo e hol ko woni Harameeji jeeɗiɗi he biyɗe Yero Dooro Jallo

Posted on March 7, 2020 by Njaay Demmba Astel Leave a comment

Diine ina jeyaa e pine pulaagu ɓooyɗe gila Fulɓe peeñi to dunuyaa faade hannde, ɓe meeɗaani seertude e diine. Ɓe ngadii anndireede ko rewooɓe diine naange, oon ko e diineeji ɓooyɗi jeyaa. Peeñgol makko, ina hoddiree 8000 kitaale ko adii jibineede Isaa.

Jokku taro

Tumbuktu: Peewje Abdel Kader Haydara Ngam Faddaade Jihaadiyankooɓe hoto Mboomde Gannde Afrik Ɓooyma.

Posted on February 7, 2020 by Njaay Demmba Astel Leave a comment

He duuɓi jawtuɗi ɗii pelle nodditortooɗe Jihaadyankeeje (Al-Qa’ida e Da’is) mbonni ko heewi e ndonateeri pinal aade to bannge Fuɗnaange-Ɓadiiɗo e Worgo Afrik. Ɓe kelii jumaaji keewɗi, ɓe pusi janaale waliyaaɓe, eglisaaji e defterɗi e jaatiiji (monuments) daartolyankeeji; ɓe nduppi defte e ballifanɗe (manuscrits) keewɗe joginooɗe faayida mawɗo he daartol pinal aade, walla ɓe ngujja ɗum en sabu maɓɓe anndude ko njaru majje en ɓuri tiiɗde hay muudo kaŋŋe.