Mago | Binndi Pulaar

Category Archives: Mago

Kinɗe, Mago Pulaar heppanaango ene sooynaa he nder Tele Fulɓe!

Posted on April 27, 2025 by Njaay Demmba Astel One comment

He nder wootere jeewte Radio Tele Fulɓe wiyeteende Hiirde Koorka, nde ɗowatnoo ɗum Besel Baas, Abdulay Ali Malal Jallo hooreejo Radio Tele Fulɓe ene jeyanoo he jaɓɓanooɓe heen. Caggal nde o siftini garaangal he tele ɗee Hadiyya Talla baɗaaɗo hooreejo taskaram e Khalil Kamara baaɗaaɗo mawɗo jaayndiyankooɓe (rédacteur en chef), o hollii kadi kuccam tele ɗee e yiɗde mum addude kesam-hesamaagu e mbayliigu he nder taskaramji maɓɓe. Ene jeyaa heen waɗtude yuɓɓinde magooji Pulaar tawa ɓe liggondirta heen ko e magayankooɓe ŋanaa en kadi dowluɓe anndaaɓe. He meeɗnel daɓɓel, ɓe kollirii heen seeɗe nate mago ngo ɓe ngonnoo he yuɓɓinɗe, ngo ene tawee he mum magajiyankooɓe Soleil Levant ko wayno Saa-Neeх e Cheikh Njaay, ene kaala Pulaar.

Jokku Taro

Pulaagu he nder CANAL+, Mbelemma e Faayre

Posted on May 5, 2024 by Njaay Demmba Astel One comment

Caggal nde udditii he nder Canal +, ñalnde 29 Mbooy, e jammaaji mawnin’gol ngool udditgol to Nuwaasoot, Bamako e Konaakiri ñalnde 30 Mbooy, ayaawo PULAAGU mawninii kadi hannde Dewo-hoorebiir 4 Seeɗto, to Grand Theatre mo Ndakaaru, udditgol oon ayaawo keblanaaɗo ngam pinal Fulɓe e ɗemngal Pulaar. Ɗuum waɗaa ko he tawtoreede naalankooɓe Fulɓe heewɓe e magiyankooɓe he ɗemngal Pulaar, yantude e yontaaɓe, ngenndiyankooɓe e hatanteeɓe leñol Fulɓe.

Jokku Taro

Pulaagu: Ayaawo pinal Fulɓe nana ara he nder Canal +

Posted on April 29, 2024 by Njaay Demmba Astel Leave a comment

Ko hannde 29 Seeɗto 2024, fuɗɗotoo jaltugol ayaawo keso Pulaar biyeteeɗo PULAAGU he nder CANAL+ (canal 67). Pulaagu, eno Jibi Ooldu Bah umminɗo fayndaare ndee o habriri ɗum ni, ko kanaal keertoriiɗo pinal Fulɓe e Saahalnaaɓe tawa ko he ɗemngal Pulaar. Sabu mako taweede he nder CANAL+, Firti ma o waaw jaggeede he ko ɓuri heewde he nder Afrik kadi he leyɗeele adunaaru keewɗe. Keereendi kanaal (ayaawo) ngal ko wonde maggal keertoraangal e ɗemngal Pulaar e pine mum.

Jokku Taro

Aamadu Muusaa Bah, Big Weltaare, hoodere naɓoka Pulaar!

Posted on September 3, 2023 by Njaay Demmba Astel One comment

Big weltaare ko innde fijiyanke naɓoka (acteur de cinéma) kadi magiyanke (artist comedien) ceedtanaaɗo mbaawka gila ine famɗi. Aamadu Muusaa Bah, ko ɗuum woni innde makko tigiri, haysinno omo nootoroo kadi he innde Mamma, jibinaa ko to leegal Madiina Gunaas he nder falnde geejawaay, diiwal Ndakaaru laamorgo leydi Senegaal.

Jokku Taro

Zeydi le Fils du Khalif artidii e doole!

Posted on August 20, 2023 by Njaay Demmba Astel Leave a comment

Rawane nde mago-doge Zaydi le Fils du Khalif fuɗɗii dogde he nder Piindi TV waɗii iiñcuru mawndu he nder renndo Fulɓe teeŋti noon e yeeɓiyankooɓe magooji Pulaar. Heewɓe kadi e rewindiiɓe ƴellitaare mago he ɗemngal Pulaar, ene taƴnii wonnde Le Fils du Khalif, addii kesem-hesaagu e jaɓɓal kesal he nder mago Pulaar..

Koolol Magodoge Afriknaaɓe “Dakar séries” Ko tuggude 2 haa 6 Duujal to Ndakaaru. 27 Filma ene tijjaa heen.

Posted on April 30, 2023 by Njaay Demmba Astel One comment

Koolol gadanol magooji-doge Afriknaaɓe (Festival panafricain des séries télévisées) ene jogori fuɗɗaade tuggude ñalnde 2 haa 6 Duujal (Mai) to Dakaar lamarngo leydi Senegaal. “Dakar séries” hono no koolol ngol hebori noddireede, fayndaare mum ko wallude ƴellitde e ɓeydude faayiide oo fannu ŋeeñal (art) e darjinde golle hitonatewol (audiovisuelle) jookdu Afrik ndu.