Ɗemɗe ngenndiije | Binndi Pulaar

Tag Archives: Ɗemɗe ngenndiije

Ɗemɗe ngenndiije : jannginoowo-biɗtoowo ina nodda he politik jaŋde ɗemɗe ngenndiije kuuɓtodinɗo.

Posted on May 24, 2025 by Njaay Demmba Astel Leave a comment

Dakar, 24 Duujal (APS) – Porofesoor Moussa Sagna, jannginoowo e biɗtoowo ko fayti he coñce jerondiraaɗe (littérature comparée ) to duɗal jaaɓi haaɗtirde Cheikh Anta Diop to Ndakaaru (UCAD), eeriima fayde dawrugol ɗemɗe ngenndiije udditaningol mo woni kala, wonndude kadi he miijtaade no feewi, o wiyi wonde suɓaade ɗemngal ngenndiwal (lawakeewal) ngam wonde ɗemngal laawɗungal e nder leydi Senegaal ko heñaare.

Jokku Taro

Kawtal Pelle Fulɓe noddii Pottital e jaayndeeji hannde to Ndakaaru.

Posted on June 9, 2024 by Njaay Demmba Astel Leave a comment

Kawtal Pelle Fulɓe, fedde laawɗunde heɓtinaande he nder leydi Senegaal, kadi renndinnde pelle Fulɓe keewɗi waɗiino hannde pottital e jaayndeeji (point de press) ngam hollitde e laɓɓitinde yiyannde mum en he ko yowitii he toɓɓe keewɗe duketeeɗe he nder leydi Senegaal he ooɗoo saha. Ene jeyaa heen toɓɓere hol ko foti wonde dawrugol ɗemɗiyankeewol leydi ndii ngam ƴellitde ɗemɗe ngenndiije ɗee e rokkude ɗum en semmbe mo ene walla ɗum en he ƴellitaade e wontude ɗemɗe janngirɗe e gollirɗe, kono kadi alɗineede haa mbaawa tammbaade pine e gannde dowrowe. He ndeen toɓɓere, ene teskaa, hay seeɗa mo laamu nguu waɗata o, ɓuri wuuroraade tan ko to bannge Jolfe (ɗemngal Wolof) haysinno de to bannge kuule leydi ndii, ɗemɗe ngenndiije ɗee fof poti toon.

Jokku Taro

Pulaagu he nder CANAL+, Mbelemma e Faayre

Posted on May 5, 2024 by Njaay Demmba Astel One comment

Caggal nde udditii he nder Canal +, ñalnde 29 Mbooy, e jammaaji mawnin’gol ngool udditgol to Nuwaasoot, Bamako e Konaakiri ñalnde 30 Mbooy, ayaawo PULAAGU mawninii kadi hannde Dewo-hoorebiir 4 Seeɗto, to Grand Theatre mo Ndakaaru, udditgol oon ayaawo keblanaaɗo ngam pinal Fulɓe e ɗemngal Pulaar. Ɗuum waɗaa ko he tawtoreede naalankooɓe Fulɓe heewɓe e magiyankooɓe he ɗemngal Pulaar, yantude e yontaaɓe, ngenndiyankooɓe e hatanteeɓe leñol Fulɓe.

Jokku Taro

Lefol Ngay: Goodal fiilii Ceerno Bah e Hammee Lih leppi teddungal.

Posted on November 16, 2023 by Njaay Demmba Astel Leave a comment

Ñalnde Hoore-biir, 11 Jolal 2023, Fedde Goodal, he gardagol Usmaan Makka Lih ene yuɓɓinatnoo to Santar Aamadu Maalik Gay, piilngal lefol maɓɓe teddungal ngal ɓe mbiyata “Lefol Ngay’, tawi ɓe piilatnoo ɗum ko Ceerno Aliw Bah, USE, e Hammee Aamadu Lih, 2STV.

jokku taro

Mammadu Abdul Sek Gawlo Leñol Fulɓe Joom Kuɗol Kaŋŋe.

Posted on June 18, 2023 by Njaay Demmba Astel 3 comments

So sukaaɓe Afriknaaɓe he yontaaji payɗi arde, teeŋeti e ɓiyɓe Fulɓe, ene ndaartanee janngo dillere binndol e jaŋde ɗemɗe ngenndiije Afrik, e holno Afrik rimɗiniri hoore mum he fawaare he ɗemɗe jananinkooje, ma innde Mammadu Abdul Sek ɓurɗo lollirde Feetere Jeyngol arheen ko heewi sabu taweedemo he ndeen hare ko juuti e gollaade heen ko heewi, kadi ko maayataa, majjataa.

Jokku Taro

Ngootaagu Fulɓe he limtagol (recensement) Senegaal feññinii en ngalaa gardiiɗo.

Posted on May 13, 2023 by Njaay Demmba Astel 2 comments

He jonte jawtuɗe ɗee toɓɓere nde Fulɓe Senegaalnaaɓe ɓurnoo waawde dukde he nder layti renndo (reseau sociaux) he ko no Fulɓe pecciraa, mbaɗaa ƴele hono leñɗi keewɗi ceertuɗi ni he nder Senegaal. Nde kaayitol eɓɓo laaɓnde jogorɗe laaɓndoyeede to limtogol ngol yalti yimɓe ɓee njiyi ɗum ndee, ɗum jibinii mettere fantunde he nder leñol he.