Ñalnde Hoore-biir, 11 Jolal 2023, Fedde Goodal, he gardagol Usmaan Makka Lih ene yuɓɓinatnoo to Santar Aamadu Maalik Gay, piilngal lefol maɓɓe teddungal ngal ɓe mbiyata “Lefol Ngay’, tawi ɓe piilatnoo ɗum ko Ceerno Aliw Bah, USE, e Hammee Aamadu Lih, 2STV.
jokku taro
Hooreejo suɓngo (president du jury) kawgel goomu ngenndiijo ngam deftere (prix Cénacle national du livre) Abdullaay Raasin Seŋngoor, hollirii doggol tiitooɗe defte miilol/pentol e jime cuɓaaɗe ngam jeyeede he finaal koolol 2023 mo ngoomu nguu yuɓɓini.
Jokku Taro
Ko he nder galle geñgol Ɓuuɓa Ndiyam he nder Labe, kawrital mawngal waɗi hannde Hoorebiir 22, Morso 2023, ngam mawninde ciifgol deftere joyaɓere winndaande he nguurndam o toowa ganndaljo, jannginoowo fanniiɗo Alhajji Ibraahiima Kaba Bah. Yuɓɓini ngaal kawrital ko taani makko Aysatu Bah ummoriiɗo to Kanada tawi kadi ko he tawtoreede toowa ganndal en e wallifiyankooɓe Laginenaaɓe e Fuuta Jalonnaaɓe heewɓe yantude e ɓesngu makko, kanko Ceerno Ibraahiima Kaba Bah.
Jokku Taro
So sukaaɓe Afriknaaɓe he yontaaji payɗi arde, teeŋeti e ɓiyɓe Fulɓe, ene ndaartanee janngo dillere binndol e jaŋde ɗemɗe ngenndiije Afrik, e holno Afrik rimɗiniri hoore mum he fawaare he ɗemɗe jananinkooje, ma innde Mammadu Abdul Sek ɓurɗo lollirde Feetere Jeyngol arheen ko heewi sabu taweedemo he ndeen hare ko juuti e gollaade heen ko heewi, kadi ko maayataa, majjataa.
Jokku Taro
Luumo defte rewɓe ngo ndakaaru (Salon du livre Feminin de Dakar) taggii wejo mum hanki, caggal balɗe tati, ñalnde 5,6, e 7 Duujal, to Hotel de Ville mo Ndakaaru. Fayndare ngooɗoo luumo wonno ko wallude rewɓe winndiyankooɓe mbele ene mbaawa saaktude golle mum en haa ɓura anndeede e tineede, kono kadi e teeŋtinde no ballifanɗe maɓɓe mballiri e hare maɓɓe ngam yooltude jojjanɗe maɓɓe.
Jokku Taro
Caggal defte makko Binndanɗe Hiisankooje (2016) e Gannde Hiisiwe (2019) Dr Muhammadu Faalil Sih yaltinii deftere mum tatiɓere he Hiisiwal (mathématiques). Ñoggannde Silo Hiisiwo, ko noon woni tiitoonde deftere ndee, yowitii ko he hiisa caltiwa e kiɓɓiwa, so en ndeftii he konngol Ceerno Bookara Aamadu Bah, binnduɗo ngardiindi deftere nde o. Ko ɗum fannu toowɗo he nder hiisiwal janngateeɗo he duɗe jaaɓihaaɗtirde.
Jokku Taro
Binndi Pulaar 