Binndi Pulaar

                                    A jaɓɓaama e galle Binndi Pulaar

A jaɓɓaama e galle Binndi Pulaar.  Sikke alaa hannde geeseeji pulaar ene keewi e nder yinorde net.Gooto heen fu ana jogii joofande mum; lower nde yiɗi remde e ngesa pinal fulɓe.Binndi Pulaar, hono no innde mum siforii ɗum ni,fayndaare mum ko saaktude kabaruuji e ko yowitii e binndol e jaŋde Pulaar. Eɗen ngandi ɗemngal men ko fuɗɗii winndeede woonii jooni duuɓi teemedde ɗiɗi. Adan ko alkule arabu anndiraaɗe”Ajami” mawɓe men kuwtortonoo, haa nde alkule kuwtortoɗen hannde ɗee ngari. Hannde Pelle daraniiɗe winndugol Fulfulde ene ɗuuɗi kadi ene carii e aduna hee kala.
Gila e leyɗeele men haa e nokkuji ɗi nguurɗen e mum en ɗii kala. Ko hono noon ne kay, yimɓe heewɓe, mo woni kala e fannu ganndal mum nana winnda walla ene fula ko anndunoo e Pulaar. Ko heewi jonta ana winndii e Fulfulde,kono ko heewi heen wonaa ko humpitaa. Ko ɗum waɗi en yiɗde rewindaade ɗeen pelle, e ɓeen yimɓe, ngam mbaawen humpitaade ko golletee hannde e ɗemngal men fulfulde. Naftoroɗen kadi maranen ɗum yontaaji garooji. E min nyaago mo woni fu, nde o wallata en e ɗe golle. Kala mo tinɗa ene golla e ko fayti e binndol, jaŋde, wiɗto walla fulo ganndal e pulaar yo a tintin min mbele ma min njokkondir e makko, ha min mbaawa addande en humpito e ko o woni e gollude e mum ko.